हाम्रो लोगो।

हाम्रो लोगो।

हाम्रो लोगो बनाउँदाको रमाइलो किस्सा एकचोटि पढुम ल।

म (शंकर), दीपक-सर र सन्तोष-सर, प्राय:जसो साँझमा जमघट हुने थलो भनेकै बागबजारमा रहेको सन्तोष-सरको अफिस हो। त्यो साँझ पनि हामी तीन भेला  भयौं। भेलाले मकालु पछाडिको जक्शनमा चियापान गर्ने निर्णय गर्यो। निर्णयले मकालुका सुरेन-सरलाई पनि सम्मिलित गराउने कुरा शत-प्रतिशत सदर गर्यो। मतान्तर विषय नरहेकोले सहजै जक्शन प्रस्थान गर्दा भयौं। चार दिशाबाट आएका हामी चारले, चार-कप चियाबाट विषय प्रवेश गर्यौं। सदा झैँ विषय प्रवेशका मुद्दा हाम्रा जटील हुदैनन्/रहेनन् पनि। प्रस्तुत उठानका विषयमा धेरै कल्पित राष्ट्रवाद र थोरै यथार्थपरक आफ्ना योजना थिए। यथार्थ योजना मध्यमा हाम्रो (फेसबुक) पेज र (युट्युब) भ्लगका-लागि व्यक्तिगत भिजिटिंग-कार्ड बनाउनु पर्ने देखियो। सो कामका-लागि, दीपक-सर र मेरो निर्देशनमा सन्तोष-सरलाई अख्तियारी नै दिईयो। कल्पित र यथार्थबीच-को सीमालाई घटाउँदै लगियो। चार चियाबाट प्रवेश गरेका हामी आठमा रोक्कियौं। सुरेन-सरलाई मकालु-मा छाडेर हामी तीन, सन्तोष-सरका अफिसतर्फ मोडियौं।

म र सन्तोष-सर, वल्लो डेस्कमा, भिजिटिंग-कार्डमा, हाम्रो यो लोगो राख्नका निम्ति डिजाईन गर्न 'फ्री-पिक्'-मा 'भेक्टर' पिक्चर रोज्न थाल्यौँ। पल्लो डेस्कमा दीपक-सर र नारायण-भाई (सन्तोष-सरका भतिज) डिजाईन सम्बन्धी कार्यमै व्यस्त थिए। 

करीब महिना दिनअघि राजिव-गुरु, अजय-सर, म लगायत भएर कम्बोडिया गएका थियौं। सोही क्रममा फर्किदाँ हाम्रो ट्रान्जिट थाईल्याण्ड पर्यो। थाईल्याण्डमा झन्डै एक दिनमानको हिसाबमा समय व्यतित गर्ने अवसर जुट्यो। त्यो दिन अविस्मरणीय रह्यो। अझ रमाइलो एउटा 'कि-रिङ्ग'-ले बनायो। 'कि-रिङ्ग'-मा सानो क्यामेरा थियो। क्यामेराले फल्यास हान्थियो तर फोटो भने नलिने। मलाई 'कि-रिङ्ग'औधि मन पर्यो। मैले किनें।

हामी चार जनाको एक मतमा एउटा लोगोलाई मोडिफाई गर्ने निर्णय भो। थाईल्याण्डवाला 'कि-रिङ्ग' झोलाको फित्तामा झुन्ड्याई राखेको थिएँ। झोला सोफामाथि थियो। 'कि-रिङ्ग' -का बारेमा दीपक-सर र नारायण-भाई अभ्यस्त थिए भने सन्तोष-सर अनभिज्ञ। त्यही अनभिज्ञताको फाईदा उठाउन दीपक-सरले झोला तान्नु भो। दीपक-सर र नारायण-भाईको सक्दो गफ-गाफले, त्यो क्यामेराले फोटो नै लिन्छ भन्ने विश्वास नै दिलाए, सन्तोष-सरलाई। अनि के थियो। दीपक-सरले अह्राएको पोजलाई फ्ल्यास हान्ने काम नारायण-भाईको थियो भने पोज दिने काम सन्तोष-सरको। यो क्रम १०/१५ -फ्ल्यास पछि रोक्कियो। क्रम रोक्किए तापनि दीपक-सर र नारायण-भाई आफैँमा कुरा मिलाउँदै, अघिको कुरामा हाँसिनैरहे।

अन्तत: लोगो डिजाईन गरी छाड्नु भो, सन्तोष-सरले। यही लोगो नै हाम्रो ब्लग-को लोगो बनेको छ। जुन तपाईंले हेर्नु भयो।
अँ! झन्डै बिर्सिएको !! यो क्यामेराको कुरा, हाम्रा सन्तोष-सरलाई यो पोस्ट नपढूनजेल सम्म थाहा नहुन नि सक्छ!!!

… … … पढ्नेलाई फूलको माला।